ನೀತಿ ಸಂಹಿತೆ ಮೀರಿ ರಾಜಕೀಯ ನಾಯಕರ ಬ್ಯಾನರ್ ಗಳು ರಾರಾಜಿಸಿದ್ದರೂ ಕರ್ತವ್ಯ ವಿಮುಖರಾಗಿದ್ದ ಬಂಟ್ವಾಳ ಪುರಸಭಾಧಿಕಾರಿಗಳು : ಹಿರಿಯ ಅಧಿಕಾರಿಗಳ ಗರಂ ಬಳಿಕ ತೆರವು - Karavali Times ನೀತಿ ಸಂಹಿತೆ ಮೀರಿ ರಾಜಕೀಯ ನಾಯಕರ ಬ್ಯಾನರ್ ಗಳು ರಾರಾಜಿಸಿದ್ದರೂ ಕರ್ತವ್ಯ ವಿಮುಖರಾಗಿದ್ದ ಬಂಟ್ವಾಳ ಪುರಸಭಾಧಿಕಾರಿಗಳು : ಹಿರಿಯ ಅಧಿಕಾರಿಗಳ ಗರಂ ಬಳಿಕ ತೆರವು - Karavali Times

728x90

24 November 2021

ನೀತಿ ಸಂಹಿತೆ ಮೀರಿ ರಾಜಕೀಯ ನಾಯಕರ ಬ್ಯಾನರ್ ಗಳು ರಾರಾಜಿಸಿದ್ದರೂ ಕರ್ತವ್ಯ ವಿಮುಖರಾಗಿದ್ದ ಬಂಟ್ವಾಳ ಪುರಸಭಾಧಿಕಾರಿಗಳು : ಹಿರಿಯ ಅಧಿಕಾರಿಗಳ ಗರಂ ಬಳಿಕ ತೆರವು

ಬಂಟ್ವಾಳ, ನವೆಂಬರ್ 24, 2021 (ಕರಾವಳಿ ಟೈಮ್ಸ್) : ಇಲ್ಲಿನ ಪುರಸಭಾ ವ್ಯಾಪ್ತಿಯಲ್ಲಿ ವಿಧಾನಪರಿಷತ್ ಚುನಾವಣಾ ನೀತಿ ಸಂಹಿತೆ ಹಿನ್ನಲೆಯಲ್ಲಿ ಬ್ಯಾನರ್ ತೆರವು ಬಗ್ಗೆ ಪುರಸಭಾಧಿಕಾರಿಗಳು ಪಕ್ಷಪಾತೀಯ ಧೋರಣೆ ತಾಳುತ್ತಿರುವ ಬಗ್ಗೆ ಸಾರ್ವಜನಿಕರು ಡೀಸಿ, ಎಸಿ, ಹಾಗೂ ಡಿಯುಡಿಸಿ ಅವರಿಗೆ ದೂರಿಕೊಂಡ ಬಳಿಕ ಎಚ್ಚೆತ್ತುಕೊಂಡ ಪುರಸಭಾಧಿಕಾರಿಗಳು ಗುರುವಾರ ಅಪರಾಹ್ನ ಎಲ್ಲ ಬ್ಯಾನರ್‍ಗಳನ್ನೂ ತೆರವುಗೊಳಿಸಿದ್ದಾರೆ. 

ಪುರಸಭಾ ವ್ಯಾಪ್ತಿಯ ಬಿ ಸಿ ರೋಡು ರಾಷ್ಟ್ರೀಯ ಹೆದ್ದಾರಿಯಲ್ಲಿ ರಾಜಕೀಯ ಪಕ್ಷಗಳಿಗೆ ಸೇರಿದ ಮಂದಿಗೆ ಅಭಿನಂದನೆ ಸಲ್ಲಿಸಿ ಬ್ಯಾನರ್ ಅಳವಡಿಸಲಾಗಿದ್ದರೂ ಅವುಗಳನ್ನು ತೆರವುಗೊಳಿಸುವ ಮನಸ್ಸು ಮಾಡದ ಪುರಸಭಾಧಿಕಾರಿಗಳು ವ್ಯಾಪ್ತಿಯ ಒಳ ಪ್ರದೇಶಗಳಲ್ಲಿ ಅಳವಡಿಸಲಾಗಿರುವ ಕೆಲ ಬ್ಯಾನರ್‍ಗಳನ್ನು ಮಾತ್ರ ತೆರವುಗೊಳಿಸುವ ಬಗ್ಗೆ ಆಕ್ರೋಶಿತರಾದ ಸಾರ್ವಜನಿಕರು ಅಧಿಕಾರಿಗಳಲ್ಲಿ ಈ ಬಗ್ಗೆ ಸಮಜಾಯಿಷಿ ಅಪೇಕ್ಷಿಸಿದರೂ ಯಾವುದೇ ಸೂಕ್ತ ಪ್ರತಿಕ್ರಿಯೆ ನೀಡದ ಅಧಿಕಾರಿಗಳು ಜಾರಿಕೊಂಡಿದ್ದರು ಎನ್ನಲಾಗಿದೆ. 

ಈ ಬಗ್ಗೆ ಸಾರ್ವಜನಿಕರು ಜಿಲ್ಲಾಧಿಕಾರಿ, ಸಹಾಯಕ ಆಯುಕ್ತರು ಹಾಗೂ ಜಿಲ್ಲಾ ನಗರಾಭಿವೃದ್ದಿ ಕೋಶದ ನಿರ್ದೇಶಕರಿಗೆ ದೂರಿಕೊಂಡಿದ್ದರು. ಈ ಹಿನ್ನಲೆಯಲ್ಲಿ ತಕ್ಷಣ ಕಾರ್ಯಪ್ರವೃತ್ತರಾದ ಹಿರಿಯ ಅಧಿಕಾರಿಗಳು ಪುರಸಭಾಧಿಕಾರಿಗೆ ಸೂಚಿಸಿದ ಹಿನ್ನಲೆಯಲ್ಲಿ ಮಧ್ಯಾಹ್ನದ ಬಳಿಕ ಬಿ ಸಿ ರೋಡು ಹೆದ್ದಾರಿಯಲ್ಲಿದ್ದ ಫ್ಲೆಕ್ಸ್‍ಗಳನ್ನು ತೆರವುಗೊಳಿಸಲು ಕ್ರಮ ಕೈಗೊಳ್ಳಲಾಗಿದೆ. 

  • Blogger Comments
  • Facebook Comments

0 comments:

Post a Comment

Item Reviewed: ನೀತಿ ಸಂಹಿತೆ ಮೀರಿ ರಾಜಕೀಯ ನಾಯಕರ ಬ್ಯಾನರ್ ಗಳು ರಾರಾಜಿಸಿದ್ದರೂ ಕರ್ತವ್ಯ ವಿಮುಖರಾಗಿದ್ದ ಬಂಟ್ವಾಳ ಪುರಸಭಾಧಿಕಾರಿಗಳು : ಹಿರಿಯ ಅಧಿಕಾರಿಗಳ ಗರಂ ಬಳಿಕ ತೆರವು Rating: 5 Reviewed By: karavali Times
Scroll to Top