ಅಮೆಮಾರು : ಗಾಂಜಾ ಸಹಿತ ಅರೋಪಿ ಬಂಧಿಸಿದ ಬಂಟ್ವಾಳ ಗ್ರಾಮಾಂತರ ಪೊಲೀಸ್

 

ಬಂಟ್ವಾಳ, ಅ. 02, 2020 (ಕರಾವಳಿ ಟೈಮ್ಸ್) : ತಾಲೂಕಿನ ಪುದು ಗ್ರಾಮದ ಫರಂಗಿಪೇಟೆ ಸಮೀಪದ ಅಮೆಮಾರು ರೈಲ್ವೆ ಸೇತುವೆ ಬಳಿ ಬೈಕಿನಲ್ಲಿ ಗಾಂಜಾ ಸಾಗಾಟ ಮಾಡುತ್ತಿದ್ದ ವೇಳೆ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಬಂಟ್ವಾಳ ಗ್ರಾಮಾಂತರ ಪೊಲೀಸರು ಗಾಂಜಾ ಸಹಿತ ಆರೋಪಿಯನ್ನು ಬಂಧಿಸಿದ್ದಾರೆ.

ಬಂಧಿತ ಆರೋಪಿಯನ್ನು ಫರಂಗಿಪೇಟೆ ನಿವಾಸಿ ಮುಹಮ್ಮದ್ ಅಝರುದ್ದೀನ್ ಎಂದು ಹೆಸರಿಸಲಾಗಿದೆ. ಆರೋಪಿ KA-19-HC-0616 ನೋಂದಣಿ ಸಂಖ್ಯೆಯ ಮೋಟಾರು ಸೈಕಲ್

  ಚಲಾಯಿಸಿಕೊಂಡು ಹೋಗುತ್ತಿದ್ದ ವೇಳೆ ತಪಾಸಣೆ ನಿಮಿತ್ತ ಪೊಲೀಸರು ನಿಲ್ಲಿಸಲು ಸೂಚಿಸಿದಾಗ ನಿಲ್ಲಿಸದೆ ಅಮ್ಮೆಮ್ಮಾರ್ ಕಡೆಗೆ ಹೋಗುವ ರಸ್ತೆಯಲ್ಲಿ  ವೇಗವಾಗಿ ಚಲಾಯಿಸಿಕೊಂಡ ಹೋಗಿದ್ದು ಆತನನ್ನು ಬೆನ್ನಟ್ಟಿ  ಹಿಡಿದು ವಿಚಾರಿಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.

 ಮೋಟಾರು ಸೈಕಲ್ ತಪಾಸಣೆ ನಡೆಸಿದಾಗ ಅದರಲ್ಲಿ ಪ್ಲಾಸ್ಟಿಕ್  ಲಕೋಟೆಯಲ್ಲಿ 230 ಗ್ರಾಂ ಗಾಂಜಾ ಪದಾರ್ಥ ಇರುವುದು ಕಂಡು ಬಂದಿರುತ್ತದೆ. ಬಂಧಿತನಿಂದ  25 ಸಾವಿರ ರೂಪಾಯಿ ಮೌಲ್ಯದ ಮೊಟಾರ್ ಸೈಕಲ್ ಮತ್ತು 3 ಸಾವಿರ ರೂಪಾಯಿಗಳ 230 ಗ್ರಾಂ ಗಾಂಜಾವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. 

ಈ ಬಗ್ಗೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಕಲಂ  8(C) r/w 20(b)(ii)(ಎ) Narcotic Drugs And Psychotropic Substances Act 1985 ರಂತೆ ಪ್ರಕರಣ ದಾಖಲಾಗಿದೆ.

Thursday, October 01, 2020