ಮಂಗಳೂರು, ಮಾ. 18, 2021 (ಕರಾವಳಿ ಟೈಮ್ಸ್) : ಭಾರತೀಯ ಅಂಚೆ ಇಲಾಖೆಯು ಅಂತರಾಷ್ಟ್ರೀಯ ಮಟ್ಟದಲ್ಲಿ ಪತ್ರಲೇಖನ ಸ್ಪರ್ಧೆ ಹಮ್ಮಿಕೊಂಡಿದ್ದು, ತಮ್ಮ ಕುಟುಂಬದ ಸದಸ್ಯರಿಗೆ ಕೋವಿಡ್ ಅನುಭವದ ಕುರಿತು ಪತ್ರ ಬರೆಯಿರಿ (Write a letter to family member about your experience with COVID- 19) ಎಂಬ ವಿಷಯಾಧಾರಿತವಾಗಿ ಈ ಪತ್ರ ಲೇಖನ ಸ್ಪರ್ಧೆ ನಡೆಯಲಿದೆ.
15 ವರ್ಷದ ಒಳಗಿನ ಮಕ್ಕಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು. ನಿಗದಿತ ನಮೂನೆಯಲ್ಲಿ, ಎರಡು ಪ್ರತಿಯಲ್ಲಿ ಮಾಹಿತಿಯನ್ನು ತುಂಬಿ “ಹಿರಿಯ ಅಂಚೆ ಅಧೀಕ್ಷಕರು, ಮಂಗಳೂರು ವಿಭಾಗ, ಮಂಗಳೂರು-75002” ಈ ವಿಳಾಸಕ್ಕೆ ಮಾರ್ಚ್ 25ರ ಒಳಗಾಗಿ ಪತ್ರವನ್ನು ಕಳುಹಿಸಬೇಕು. ಸ್ಪರ್ಧೆಯು ಮಾರ್ಚ್ 27 ರಂದು ಬಲ್ಮಠ ಅಂಚೆ ಭವನದಲ್ಲಿ ನಡೆಯಲಿದೆ.
ಪತ್ರ ನಮೂನೆ ಪ್ರತಿಯನ್ನು ಸಮೀಪದ ಅಂಚೆ ಕಚೇರಿಯಲ್ಲಿ ಅಥವಾ https://tinyurl.com/4xcf3bmw ಈ ಲಿಂಕಲ್ಲಿ ಪಡೆಯಬಹುದು. ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ 0824-2217076 ಅಥವಾ 0824-2218400ನ್ನು ಸಂಪರ್ಕಿಸಬಹುದು ಎಂದು ಮಂಗಳೂರು ವಿಭಾಗದ ಹಿರಿಯ ಅಂಚೆ ಅಧೀಕ್ಷಕರ ಕಛೇರಿ ಪ್ರಕಟಣೆ ತಿಳಿಸಿದೆ.
0 comments:
Post a Comment