ಬಂಟ್ವಾಳ, ಆಗಸ್ಟ್ 26, 2021 (ಕರಾವಳಿ ಟೈಮ್ಸ್) : ತಾಲೂಕಿನ ಕಾವಳಮೂಡೂರು ಗ್ರಾಮದ ಕೈಲಾರ್-ಬರ್ಕಟ್ಟ ಶಂಸುಲ್ ಉಲಮಾ ಯಂಗ್ ಮೆನ್ಸ್ ಕಮಿಟಿ ವತಿಯಿಂದ 2020-2021ನೇ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಉತ್ತಮ ಸಾಧನೆಗೈದ ಊರಿನ ಇಬ್ಬರು ವಿದ್ಯಾರ್ಥಿನಿಯರನ್ನು ಗೌರವಿಸಲಾಯಿತು.
ಶೇ. 90.08% ಫಲಿತಾಂಶದೊಂದಿಗೆ 563 ಅಂಕಗಳನ್ನು ಪಡೆದ ರಿಶಾನ ಬಿನ್ ರಫೀಕ್ ಕೈಲಾರ್ (ದುಬೈ) ಹಾಗೂ 83.36 ಫಲಿತಾಂಶದೊಂದಿಗೆ 521 ಅಂಕಗಳನ್ನು ಗಳಿಸಿದ ಅಲಿಫ ಬಿನ್ ಜಿ ಎಂ ರಫೀಕ್ ಅವರನ್ನು ಸಮಿತಿ ವತಿಯಿಂದ ಸನ್ಮಾನಿಸಲಾಯಿತು.
ಈ ಸಂದರ್ಭ ಸಮಿತಿಯ ಗೌರವಾಧ್ಯಕ್ಷ ಇಬ್ರಾಹಿಂ ಕೈಲಾರ್, ಅಧ್ಯಕ್ಷ ಸಜ್ಜಾದ್ ಬರ್ಕಟ್ಟ, ಇಝ್ಝತುಲ್ ಇಸ್ಲಾಂ ಮಸ್ಜಿದ್ ಕೈಲಾರ್ ಇದರ ಅಧ್ಯಕ್ಷ ಹನೀಫ್ ಖಂಡಿಗ, ಸ್ಥಳೀಯ ಹಿರಿಯ ಪ್ರಮುಖ ಯಾಕುಬ್ ಖಂಡಿಗ ಮೊದಲಾದವರು ಉಪಸ್ಥಿತರಿದ್ದರು.
0 comments:
Post a Comment