ಕೊರೋನಾ ವೈರಸ್ ಭೀತಿ : ಶಾಲಾ-ಕಾಲೇಜುಗಳಿಗೆ ಮಾ 28ರವರೆಗೆ ರಜೆ ಘೋಷಣೆ - Karavali Times ಕೊರೋನಾ ವೈರಸ್ ಭೀತಿ : ಶಾಲಾ-ಕಾಲೇಜುಗಳಿಗೆ ಮಾ 28ರವರೆಗೆ ರಜೆ ಘೋಷಣೆ - Karavali Times

728x90

13 March 2020

ಕೊರೋನಾ ವೈರಸ್ ಭೀತಿ : ಶಾಲಾ-ಕಾಲೇಜುಗಳಿಗೆ ಮಾ 28ರವರೆಗೆ ರಜೆ ಘೋಷಣೆ



ಬೆಂಗಳೂರು (ಕರಾವಳಿ ಟೈಮ್ಸ್) : ಕೊರೋನಾ ವೈರಸ್ ಹರಡುವ ಭೀತಿಯಿಂದ ಮುಂಜಾಗ್ರತಾ ಕ್ರಮವಾಗಿ ರಾಜ್ಯಾದ್ಯಂತ ಶಾಲಾ-ಕಾಲೇಜುಗಳಿಗೆ ಮಾ 14ರಿಂದಲೇ ರಜೆ ಘೋಷಿಸುವಂತೆ ಶಿಕ್ಷಣ ಇಲಾಖೆ ಆದೇಶ ಹೊರಡಿಸಿದೆ. 1 ರಿಂದ 6ನೇ ತರಗತಿವರೆಗಿನ ವಿದ್ಯಾರ್ಥಿಗಳಿಗೆ ಪರೀಕ್ಷೆಗಳನ್ನು ರದ್ದುಗೊಳಿಸಿ ತಕ್ಷಣದಿಂದ ರಜೆ ಘೋಷಿಸುವಂತೆ ಆದೇಶಿಸಿದ ಸಾರ್ವಜನಿಕ ಶಿಕ್ಷಣ ಇಲಾಖೆ 1 ರಿಂದ 10ನೇ ತರಗತಿವರೆಗೆ ಮಾ 14ರಿಂದ ತರಗತಿ ಸ್ಥಗಿತಗೊಳಿಸಿ ವಿದ್ಯಾರ್ಥಿಗಳಿಗೆ ರಜೆ ಘೋಷಿಸಬೇಕು. 1 ರಿಂದ 9ನೇ ತರಗತಿ ವಿದ್ಯಾರ್ಥಿಗಳಿಗೆ ಪರೀಕ್ಷಾ ದಿನಗಳಂದು ಮಾತ್ರ ಹಾಜರಾಗಲು ಸೂಚಿಸಿ ಉಳಿದಂತೆ ತರಗತಿ ನಡೆಸುವುದನ್ನು ಸ್ಥಗಿತಗೊಳಿಸಬೇಕು. ಮಾರ್ಚ್ 23ರೊಳಗೆ ಪರೀಕ್ಷೆಗಳನ್ನು ಮುಗಿಸಬೇಕು. ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳಿಗೆ ನಿಗದಿತ ದಿನಾಂಕಗಳಂದು ಪರೀಕ್ಷೆ ನಡೆಯಲಿದ್ದು, ತರಗತಿಗಳು ಸ್ಥಗಿತಗೊಳಿಸಬೇಕು. ದ್ವಿತೀಯ ಪಿಯುಸಿ ಪರೀಕ್ಷೆಗಳು ಇದೀಗ ನಡೆಯುತ್ತಿದ್ದು, ಅದು ನಿಗದಿಯಂತೆ ನಡೆಯಲಿದೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆ ಆದೇಶಿಸಿದೆ. ಅಲ್ಲದೆ ಸರಕಾರಿ, ಅನುದಾನಿತ ಹಾಗೂ ಅನುದಾನರಹಿತ ಕಾಲೇಜುಗಳಿಗೂ ಮಾ 14 ರಿಂದ 28ರವರೆಗೆ ರಜೆ ಘೋಷಿಸಿ ಕಾಲೇಜು ಶಿಕ್ಷಣ ಇಲಾಖೆ ಆದೇಶ ಹೊರಡಿಸಿದೆ. ಉಳಿದಂತೆ ಕಾಲೇಜು ಕಛೇರಿ ಕೆಲಸಗಳು ಎಂದಿನಂತೆ ಕಾರ್ಯನಿರ್ವಹಿಸುವಂತೆ ಸೂಚಿಸಲಾಗಿದೆ.













  • Blogger Comments
  • Facebook Comments

0 comments:

Post a comment

Item Reviewed: ಕೊರೋನಾ ವೈರಸ್ ಭೀತಿ : ಶಾಲಾ-ಕಾಲೇಜುಗಳಿಗೆ ಮಾ 28ರವರೆಗೆ ರಜೆ ಘೋಷಣೆ Rating: 5 Reviewed By: karavali Times
Scroll to Top