ಅಕ್ರಮ ಗಾಂಜಾ ಸಾಗಾಟ ಬೇಧಿಸಿದ ಪುತ್ತೂರು ಪೊಲೀಸ್ : ನಾಲ್ವರು ಅರೆಸ್ಟ್ - Karavali Times ಅಕ್ರಮ ಗಾಂಜಾ ಸಾಗಾಟ ಬೇಧಿಸಿದ ಪುತ್ತೂರು ಪೊಲೀಸ್ : ನಾಲ್ವರು ಅರೆಸ್ಟ್ - Karavali Times

728x90

30 November 2020

ಅಕ್ರಮ ಗಾಂಜಾ ಸಾಗಾಟ ಬೇಧಿಸಿದ ಪುತ್ತೂರು ಪೊಲೀಸ್ : ನಾಲ್ವರು ಅರೆಸ್ಟ್







ಪುತ್ತೂರು, ಡಿ. 01, 2020 (ಕರಾವಳಿ ಟೈಮ್ಸ್) : ತಾಲೂಕಿನ ಕೆಮ್ಮಿಂಜೆ ಗ್ರಾಮದ ನೈತಾಡಿ ಭಗತ್ ಸಿಂಗ್ ರಸ್ತೆಯಲ್ಲಿ ಅಕ್ರಮ ಗಾಂಜಾ ಸಾಗಾಟ ಮಾಡುತ್ತಿದ್ದ ವೇಳೆ ದಾಳಿ ನಡೆಸಿದ ಪುತ್ತೂರು ನಗರ ಪೊಲೀಸರು ಗಾಂಜಾ, ಮೊಬೈಲ್, ವಾಹನಗಳ ಸಹಿತ ನಾಲ್ಕು ಮಂದಿ ಆರೋಪಿಗಳನ್ನು ದಸ್ತಗಿರಿ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. 

ಬಂಧಿತ ಆರೋಪಿಗಳನ್ನು ಕೇರಳ ರಾಜ್ಯದ ಮಂಜೇಶ್ವರ-ಪೈಯೊಳಿಕೆ ನಿವಾಸಿ ಮಹಮ್ಮದ್ ಅರ್ಷದ್ (26), ಉಪ್ಪಳ-ಮಂಗಲ್ಪಾಡಿ ನಿವಾಸಿ  ರಿಯಾಜ್ (27),  ಪುತ್ತೂರು ತಾಲೂಕು, ಕಬಕ ಗ್ರಾಮದ ನಿವಾಸಿ ಅಬ್ದುಲ್ ಖಾದರ್ ಜಾಬೀರ್ (23) ಹಾಗೂ ಬನ್ನೂರು ಗ್ರಾಮ ಮತ್ತು ಅಂಚೆ ವ್ಯಾಪ್ತಿಯ ನಿವಾಸಿ ಅಬ್ದುಲ್ ನಜೀರ್ (37) ಎಂದು ಹೆಸರಿಸಲಾಗಿದೆ. ಆರೋಪಿಗಳು ಅಕ್ರಮವಾಗಿ ಕೇರಳ ಕಡೆಯಿಂದ ಪುತ್ತೂರು ಹಾಗೂ ಸುಳ್ಯ ಮೊದಲಾದೆಡೆಗಳಲ್ಲಿ ಗಾಂಜಾ ಸಾಗಾಟ ಹಾಗೂ ಮಾರಾಟ ಮಾಡುತ್ತಿದ್ದ ವೇಳೆ ಪುತ್ತೂರು ನಗರ ಪೆÇಲೀಸ್ ಠಾಣಾಧಿಕಾರಿ ಜಂಬೂರಾಜ್ ಮಹಾಜನ್ ಮತ್ತು ಸಿಬ್ಬಂದಿಗಳು ದಾಳಿ ನಡೆಸಿ ಬಂಧಿಸಿದ್ದಾರೆ. 

ಬಂಧಿತ ಆರೋಪಿಗಳಿಂದ 1.25 ಲಕ್ಷ ರೂಪಾಯಿ ಮೌಲ್ಯದ 6 ಕೆಜಿ 360 ಗ್ರಾಂ ತೂಕದ ಗಾಂಜಾ, 12 ಸಾವಿರ ರೂಪಾಯಿ ಮೌಲ್ಯದ 5 ಮೊಬೈಲ್ ಸೆಟ್‍ಗಳು, 5 ಲಕ್ಷ ರೂಪಾಯಿ ಮೌಲ್ಯದ 2 ಕಾರುಗಳು ಹಾಗೂ 15 ಇಂಚು ಉದ್ದದ ಕತ್ತಿ ಮತ್ತು 14 ಇಂಚು ಉದ್ದದ ಹರಿತವಾದ ಚಾಕುಗಳನ್ನು ವಶಕ್ಕೆ ಪಡೆದುಕೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಈ ಬಗ್ಗೆ ಪುತ್ತೂರು ನಗರ ಪೆÇಲೀಸ್ ಠಾಣೆಯಲ್ಲಿ ಕಲಂ:  8ಬಿ, 20(ಬಿ)(11)(ಬಿ) ಎನ್‍ಡಿಪಿಎಸ್ ಆಕ್ಟ್ ಹಾಗೂ 25(1ಬಿ) ಆಮ್ರ್ಸ್ ಆಕ್ಟ್ ಪ್ರಕಾರ ಪ್ರಕರಣ ದಾಖಲಾಗಿದೆ.










  • Blogger Comments
  • Facebook Comments

0 comments:

Post a comment

Item Reviewed: ಅಕ್ರಮ ಗಾಂಜಾ ಸಾಗಾಟ ಬೇಧಿಸಿದ ಪುತ್ತೂರು ಪೊಲೀಸ್ : ನಾಲ್ವರು ಅರೆಸ್ಟ್ Rating: 5 Reviewed By: karavali Times
Scroll to Top