ಅಗಲಿದ ಹಿರಿಯ ಕಾಂಗ್ರೆಸ್ ಮುಖಂಡ ಪಿ.ಬಿ. ಹಾಮದ್ ಹಾಜಿ ನಿವಾಸಕ್ಕೆ ಮಾಜಿ ಸಚಿವ ರೈ ಭೇಟಿ

ಬಂಟ್ವಾಳ, ಜೂನ್ 04, 2022 (ಕರಾವಳಿ ಟೈಮ್ಸ್) : ಗುರುವಾರ (ಜೂನ್ 2) ನಿಧನರಾದ ಹಿರಿಯ ಕಾಂಗ್ರೆಸ್ ಮುಖಂಡ ಪಿ ಬಿ ಅಹ್ಮದ್ ಹಾಜಿ ಅವರ ಪಾಣೆಮಂಗಳೂರು ಸಮೀಪದ ಬಂಗ್ಲೆಗುಡ್ಡೆ ನಿವಾಸಕ್ಕೆ ಮಾಜಿ ಸಚಿವ ಬಿ ರಮಾನಾಥ ರೈ ಭೇಟಿ ನೀಡಿ ಕುಟುಂಬ ಸದಸ್ಯರಿಗೆ ಸಾಂತ್ವನ ಹೇಳಿದರು.

ಅಹ್ಮದ್ ಹಾಜಿ ನಿಧನ ಹೊಂದಿದ ದಿನ ಮಾಜಿ ಸಚಿವರು ಬೆಂಗಳೂರಿನಲ್ಲಿ ಪಕ್ಷದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರಿಂದ ಭೇಟಿ ನೀಡಲು ಸಾಧ್ಯವಾಗಿರಲಿಲ್ಲ. ಈ ಹಿನ್ನಲೆಯಲ್ಲಿ ಶನಿವಾರ ಅಪರಾಹ್ನ ಅವರ ನಿವಾಸಕ್ಕೆ ಭೇಟಿ ನೀಡಿ ಮೃತ ಅಹ್ಮದ್ ಹಾಜಿ ಅವರು ಪಕ್ಷಕ್ಕಾಗಿ ಮಾಡಿದ ಸೇವೆಯನ್ನು ಸ್ಮರಿಸಿದರಲ್ಲದೆ ಕುಟುಂಬ ಸದಸ್ಯರೊಂದಿಗೆ ಮಾತುಕತೆ ನಡೆಸಿದರು.

ಈ ಸಂದರ್ಭ ಬಂಟ್ವಾಳ ಪುರಸಭಾ ಸ್ಥಳೀಯ ಕೌನ್ಸಿಲರ್ ಅಬೂಬಕ್ಕರ್ ಸಿದ್ದೀಕ್ ಗುಡ್ಡೆಅಂಗಡಿ, ಅಹ್ಮದ್ ಹಾಜಿ ಅವರ ಪುತ್ರರಾದ ಅಬ್ದುಲ್ ಸಲಾಂ, ಶಾಫಿ ಹಾಜಿ, ಮುತ್ತಾಲಿಬ್, ಇಂತಿಯಾಝ್, ಮನ್ಸೂರ್, ಅಬ್ದುಲ್ ಖಾದರ್ ಪುತ್ತೋನು ಮೊದಲಾದವರು ಉಪಸ್ಥಿತರಿದ್ದರು.