ಬೆಳ್ತಂಗಡಿ, ಮಾರ್ಚ್ 02, 2024 (ಕರಾವಳಿ ಟೈಮ್ಸ್) : ತಾಲೂಕಿನ ಉಜಿರೆ ಗ್ರಾಮದ ದಿಶಾ ಬೇಕರಿ ಮುಂಭಾಗ ನಿಲ್ಲಿಸಿದ್ದ ಬೈಕ್ ಕಾಣೆಯಾದ ಬಗ್ಗೆ ಬೆಳ್ತಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಉಜಿರೆ ನಿವಾಸಿ ರಾಜು (32) ಎಂಬವರು ಗುರುವಾರ (ಫೆ 29) ರಾತ್ರಿ ತನ್ನ ಕೆಎ-19 ಎಚ್‌ ಪಿ-0606 ನೋಂದಣಿ ಸಂಖ್ಯೆಯ ಹೊಂಡಾ ಯೂನಿಕಾರ್ನ್‌ ದ್ವಿಚಕ್ರ ವಾಹನವನ್ನು ಉಜಿರೆ ದಿಶಾ ಬೇಕರಿ ಮುಂಭಾಗ ನಿಲ್ಲಿಸಿ ತೆರಳಿದ್ದರು.
ಒಂದು ತಾಸು ಬಿಟ್ಟು ಬಂದು ನೋಡಿದಾಗ ನಿಲ್ಲಿಸಿ ತೆರಳಿದ್ದ ಬೈಕ್ ಕಾಣೆಯಾಗಿದೆ. ಕಳವಾಗಿರುವ ಬೈಕಿನ ಅಂದಾಜು ಮೌಲ್ಯ 75 ಸಾವಿರ ರೂಪಾಯಿ ಆಗಿರುತ್ತದೆ. ಈ ಬಗ್ಗೆ ಬೆಳ್ತಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
0 comments:
Post a Comment