ಪರ್ಪುಂಜ : ಅಟೋಗೆ ಕಾರು ಡಿಕ್ಕಿ ಹೊಡೆದು 4 ವರ್ಷದ ಬಾಲಕಿ ಮೃತ್ಯು, 5 ಮಂದಿ ಗಾಯ

ಪುತ್ತೂರು, ನವೆಂಬರ್ 01, 2025 (ಕರಾವಳಿ ಟೈಮ್ಸ್) : ಕಾರೊಂದು ಅಟೋ ರಿಕ್ಷಾಗೆ ಡಿಕ್ಕಿ ಹೊಡೆದ ಪರಿಣಾಮ 4 ವರ್ಷದ ಬಾಲಕಿ ಮೃತಪಟ್ಟು, ಐದು ಮಂದಿ ಗಾಯಗೊಂಡ ಘಟನೆ ಮಾಣಿ-ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಒಳಮೊಗ್ರು ಗ್ರಾಮದ ಪರ್ಪುಂಜ ಅಬಾಡ್ ಹಾಲ್ ಬಳಿ ನವೆಂಬರ್ 1 ರಂದು ಶನಿವಾರ ಸಂಜೆ ಸಂಭವಿಸಿದೆ. 

ಮೃತ ಬಾಲಕಿಯನ್ನು ಬನ್ನೂರು ನಿವಾಸಿ ಹನೀಫ್ ಅವರ ಪುತ್ರಿ ಸಜ್ವಾ ಫಾತಿಮಾ (4 ವರ್ಷ 6 ತಿಂಗಳು) ಎಂದು ಹೆಸರಿಸಲಾಗಿದೆ. ಹನೀಫ್ ಅವರು ಶನಿವಾರ ಸಂಜೆ ಸಮಾರು 4.15ಕ್ಕೆ ಅಟೋ ರಿಕ್ಷಾದಲ್ಲಿ ತನ್ನ ಪತ್ನಿ, ಅತ್ತೆ, ಭಾವನ ಹೆಂಡತಿ ಮತ್ತು ಮೂರು ಮಕ್ಕಳೊಂದಿಗೆ ಕೆಎ21 ಸಿ3491 ನೋಂದಣಿ ಸಂಖ್ಯೆಯ ಆಟೋ ರಿಕ್ಷಾದಲ್ಲಿ ಪುತ್ತೂರಿನ ಬೊಳುವಾರಿನಿಂದ ಮಾಣಿ-ಮೈಸೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಒಳಮೊಗರು ಗ್ರಾಮದ ಪರ್ಪುಂಜ ಅಬ್ರಾಡ್ ಹಾಲ್ ಬಳಿ ತಲುಪಿದಾಗ, ಎದುರಿ£ಂದ ಬಂದ ಲಕ್ಷ್ಮಿ ಬದಿರಾಜು ಎಂಬವರು ಚಲಾಯಿಸುತ್ತಿದ್ದ ಟಿಎನ್72 ಬಿಎಲ್1759 ನೋಂದಣಿ ಸಂಖ್ಯೆಯ ಕಾರು ಅಜಾಗರೂಕತೆ ಮತ್ತು ನಿರ್ಲಕ್ಷತನದಿಂದ ತಪ್ಪು ಬದಿಯಲ್ಲಿ ಚಲಾಯಿಸಿ ಅಟೋ ರಿಕ್ಷಾಗೆ ಡಿಕ್ಕಿ ಹೊಡೆದ ಪರಿಣಾಮ ರಿಕ್ಷಾ ಉರುಳಿ ಬಿದ್ದು ಈ ಅವಘಡ ಸಂಭವಿಸಿದೆ. 

ಪರಿಣಾಮ ಸಜ್ವಾ ಫಾತೀಮಾ ಮೃತಪಟ್ಟಿದ್ದು, ಇತರ ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಈ ಬಗ್ಗೆ ಹನೀಫ್ ಅವರು ನೀಡಿದ ದೂರಿನಂತೆ ಪುತ್ತೂರು ಗ್ರಾಮಾಂತರ ಪೆÇಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

Saturday, November 01, 2025