ಪ್ರಯಾಣಿಕರ ವಿಶೇಷ ಸ್ಪಂದನೆ : ಕೆ.ಎಸ್.ಆರ್.ಟಿ.ಸಿ. ದಸರಾ ವಿಶೇಷ ಪ್ರವಾಸ ಪ್ಯಾಕೇಜ್ ಅವಧಿ ವಿಸ್ತರಣೆ

ಮಂಗಳೂರು, ಅಕ್ಟೋಬರ್ 16, 2026 (ಕರಾವಳಿ ಟೈಮ್ಸ್) : ಕೆ.ಎಸ್.ಆರ್.ಟಿ.ಸಿ ಮಂಗಳೂರು ವಿಭಾಗವು ಕಳೆದ 4 ವರ್ಷಗಳಿಂದ ದಸರಾ ಹಬ್ಬದ ಪ್ರಯುಕ್ತ ಮಂಗಳೂರಿನಿಂದ ಹಾಗೂ ಉಡುಪಿಯಿಂದ ವಿವಿಧ ದೇವಸ್ಥಾನ/ ಪ್ರೇಕ್ಷಣೀಯ ಸ್ಥಳಗಳಿಗೆ ವಿಶೇಷ ಪ್ರವಾಸ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ಹಮ್ಮಿಕೊಂಡಿದ್ದು, ಪ್ಯಾಕೇಜ್ ಪ್ರವಾಸಕ್ಕೆ ಸಾರ್ವಜನಿಕ ಪ್ರಯಾಣಿಕರಿಂದ ಉತ್ತಮ ರೀತಿಯ ಪ್ರತಿಕ್ರಿಯೆ/ ಸ್ಪಂದನೆ ಬಂದಿರುತ್ತದೆ. ಅದರಂತೆ ಈ ವರ್ಷವೂ ಸಹ ಅಕ್ಟೋಬರ್ 20ರವರೆಗೆ ವಿಭಾಗದ ಘಟಕಗಳಿಂದ ಸ್ಥಳೀಯ ಪ್ರೇಕ್ಷಣಿಯ ಸ್ಥಳಗಳಿಗೆ/ ದೇವಸ್ಥಾನಗಳಿಗೆ ದಸರಾ ವಿಶೇಷವಾಗಿ ಪ್ಯಾಕೇಜ್ ಪ್ರವಾಸವನ್ನು ಯಶಸ್ವಿಯಾಗಿ ಕಾರ್ಯಾಚರಿಸುತ್ತಿದ್ದು, ಬಹುಜನರ ಬೇಡಿಕೆಯ ಮೇರೆಗೆ ಮಂಗಳೂರು ದಸರಾ ಪ್ಯಾಕೇಜ್ ಪ್ರವಾಸವನ್ನು ಸಾರ್ವಜನಿಕ ಪ್ರಯಾಣಿಕರ ಅನುಕೂಲಕ್ಕಾಗಿ ಅಕ್ಟೋಬರ್ 25 ರವರೆಗೆ ವಿಸ್ತರಿಸಲಾಗಿದೆ. 

ಪ್ಯಾಕೇಜ್ ಹೆಸರು, ಪ್ರಯಾಣದ ದರ ವಿವರ (ಊಟ ಉಪಹಾರ ಹೊರತುಪಡಿಸಿ) : 

ಮಂಗಳೂರು ದಸರಾ ದರ್ಶನ ವಯಸ್ಕರಿಗೆ  500/- ರೂಪಾಯಿ, ಮಕ್ಕಳಿಗೆ 400/- ರೂಪಾಯಿ

ಮಂಗಳೂರು-ಕೊಲ್ಲೂರು : ವಯಸ್ಕರಿಗೆ 600/- ರೂಪಾಯಿ, ಮಕ್ಕಳಿಗೆ 500/- ರೂಪಾಯಿ 

ಮಂಗಳೂರು-ತಲಕಾವೇರಿ-ಭಾಗಮಂಡಲ : ವಯಸ್ಕರಿಗೆ 600/-  ರೂಪಾಯಿ, ಮಕ್ಕಳಿಗೆ 500/- ರೂಪಾಯಿ

ಮಂಗಳೂರು-ಸಿಗಂದೂರು : ವಯಸ್ಕರಿಗೆ 700/-  ರೂಪಾಯಿ, ಮಕ್ಕಳಿಗೆ 600/- ರೂಪಾಯಿ

ಮಂಗಳೂರು-ಶೃಂಗೇರಿ : ವಯಸ್ಕರಿಗೆ 600/- ರೂಪಾಯಿ, ಮಕ್ಕಳಿಗೆ 500/- ರೂಪಾಯಿ,

ಉಡುಪಿ-ಕೊಲ್ಲೂರು : ವಯಸ್ಕರಿಗೆ 500/- ರೂಪಾಯಿ, ಮಕ್ಕಳಿಗೆ 400/- ರೂಪಾಯಿ

ಉಡುಪಿ-ಶೃಂಗೇರಿ : ವಯಸ್ಕರಿಗೆ 500/- ರೂಪಾಯಿ, ಮಕ್ಕಳಿಗೆ 400/- ರೂಪಾಯಿ

ಬಸ್ಸುಗಳಿಗೆ ಕೆ ಎಸ್ ಆರ್ ಟಿ ಸಿ ವೆಬ್ ಸೈಟಿನಲ್ಲಿ ಮುಂಗಡ ಬುಕ್ಕಿಂಗ್ ವ್ಯವಸ್ಥೆ ಇರುತ್ತದೆ ಎಂದು  ಕೆ.ಎಸ್.ಆರ್.ಟಿ.ಸಿ ಹಿರಿಯ ವಿಭಾಗೀಯ ನಿಯಂತ್ರಣಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Friday, October 16, 2026